有睇過上個禮拜五場澳職直播，唔知你會笑爆嘴，激到彈起定係呆若木雞。足球場上，根本好多犯錯都可以係不可思議，求賭者毋須太認真；今天推介超早場札幌岡薩多，贏咗今晚食餐好，早啲瞓。
之前講過澳職只係英甲水準，但睇過幾輪直播後，我想將部份賽事水準評級降至英乙；尤其係球員體力差，去到尾段真係乜嘢事都可能發生。呢啲波落咗注，唔睇罷就；根本評無可評，當然你好空虛，一路睇一路打去電視台傾波經，撩吓妹妹仔主持，仲要玩埋下一隊入球，過吓日辰就另計。
愛媛征強隊輸大鑊
國際賽期冇英超，要賭我寧願再硬着頭皮推介日乙，上周中俾櫪木SC玩殘，末段追回比馬斷熱W唔會令我心淡；始終櫪木已18場不勝，賽績極之穩定，今迎作客表現好過主場嘅富山勝利，後者少讓平/半，照捧；不過今天重心落在頭場，博札幌岡薩多大勝FC愛媛。主隊近戰火力冒升，主場4戰入11球，目前排第7，爭回升未絕望；打得密接連兩戰主場着數好多，愛媛作客遇強多輸大鑊，呢類波推介咗，真係輸咗，都唔會咁氣頂，因為冇得睇。好過睇到香港記者俾公安打到紅腫，並在街上被綁示眾，然後喺記者會話，其實係想保護記者咁氣頂，頂，頂！
（下次見報日：周三）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期日1札幌岡薩多勝[-1](2.35)
星期日1札幌岡薩多勝(1.48)x
星期日9富山勝利(上)(1.93)2x1
簡評：買日乙點都好過非洲波啩