徐濠縈與好友黃偉文（Wyman）、化妝師阿Zing前晚現身金鐘，出席Chanel活動。阿徐身穿與好友何志恩一同設計的JohannaxHilary新裝示人，她表示十分忙碌：「前日晨早7點就要湊女返學，之後湊佢放學湊佢瞓咗晏覺先出嚟，家又要忙設計同舖頭工作。」
自言是Chanel迷的阿徐透露訂了Chanel結他送給夫婿陳奕迅（Eason），她說：「專登要喺巴黎訂做，仲要度身訂做個結他套。」問她誰埋單，她說：「我去畀錢，我同佢邊有計。」問到她會否買名牌衫給康堤，她說：「買衫畀囡囡係有限錢，唔會買貴嘢，小朋友大得快，總之買啲着得舒服，大人睇得開心咪得。」
Wyman購得心頭好
此外，Wyman笑言之前於巴黎買到第一件古董Chanel外套，他說：「係size52號肥婆size，我搵咗好多年，家都唔係好捨得着。」對於千嬅已婚，會否感到驚訝？Wyman說：「邊個人結婚離婚生仔都唔會感到驚訝。」
採訪：顏英儀 攝影：陳慧安