早排入場睇《孤疑》，個結局都算叫人意外，因為我冇睇過城城套《殺人犯》。套片唔算暴力，唔知點解會係3級，劇情發展好緊湊，有好想睇落去嘅感覺。守丹仲話個o靚妹女主角好正，我就覺得一般喇。
上個禮拜好平靜地過，周初贏咗兩口大注，結果成個星期忍手忍到尾，保住一筆豐厚利潤。見到有個錢喺身，擾攘畢傑多時嘅買保險事件，終於都喺近日搞掂埋，本人好滿意個保障內容，抵買兼保額賠得勁。受益人一欄唔使問阿貴，已經寫咗100%至愛嘅媽子個名，喺度要多謝Jovi同Sunny兩公婆解釋得咁詳盡。
畢傑好討厭追數，好彩幾星期都唔使過呢啲日子；本欄3連勝，信我嘅要波斯尼亞。
畢傑
近5場往績：WWWL/
主客和：波斯尼亞勝
心得：波軍火力得人驚