劉德華好友譚詠麟昨日以藝能董事身份，在中環文華酒店出席勤+緣牽手藝能娛樂有限公司成立記者會，提到華仔的已婚新聞，阿倫謂有SMS給他但未獲回覆。對於華仔受負面形象困擾，阿倫以過來人身份說：「呢啲好私人，但唔知點解佢咁辛苦，某個尺度睇係唔需要講畀人聽，唔講就唔講，唔需要理一部份人點講，尤其係關乎屋企人，講句多謝關心，唔使黑面，但佢好多顧慮。」
問阿倫有甚麼指引給華仔，他說：「我覺得同佢性格有關，佢唔會咁順攤俾人牽住走，我唔係批評佢，唔同人唔同性格，唔可以逼佢點做。」華仔被指不認骨肉，阿倫力撐華仔應真的沒有子女，他說：「我哋撐佢，連Kelly（陳慧琳）大完肚都撐佢，喻媽媽（喻可欣母）都話撐佢。」
此外，林家棟昨日以新戲《打擂台》監製身份，到灣仔出席電影活動，他指新戲由華仔投資800萬，更獲華仔全權交由他負責。
「又不是強姦人」
家棟又坦言有SMS問候華仔，問到有否見過朱麗倩，他說：「私人事好少過問，總之支持華仔。」
王晶日前接受內地傳媒訪問時也出言力撐華仔，他說：「他又不是去強姦某人，毋須大驚小怪。」
採訪、攝影：楊潔雯、馬建華