家啲嘢越嚟越化學，手機唔想換，但跟咗我兩三年，經常無故熄機，加上冇用固網電話，真係要喺屋企靠部手機救命就大件事。另外搬屋時，部電腦抵受不住我嘅衝擊，傷痕纍纍，不得不搵砌機專家M換部新嘅，家望住個24吋芒，人都醒神啲；不過連訂咗未攞嘅i-phone，望住荷包冇咗過萬銀，呢鋪真係杰。
洗大咗一定要識搵得番，決捧今屆世盃外神勇嘅丹麥再贏葡萄牙。首循環作客都贏3:2，葡仔去到呢場唔贏出線都成問題，但唔代表作客讓得起喎！對手實而不華，中鋒賓特拿剛同阿仙奴續約，人逢喜事，由球會嘅4-3-3任右翼，做番國家隊正箭頭，威力仲勁，今場要喺C朗面前「騷哥利」！
蘋果波神
近5場往績：LWWL/
讓球：丹麥（下）
心得：今場唔輸，出線大功告成咯！