早輪無聊翻煲《交響情人夢》真人版，睇睇吓發現際遇嘅嘢真係好難講，套劇紅咗野田妹上野樹里，連做峰龍太郎嘅瑛太亦頻頻有job。偏偏飾演千秋王子嘅玉木宏，拍完《交響情人夢》後就好似無以為繼；玉木宏好戲又靚仔，仲識唱歌，冇理由彈唔起啫，家惟有希望《交響情人夢》電影版喺明年春天上映後，佢可以乘勢再上啦。
講開際遇，效力阿仙奴嘅克羅地亞前鋒伊度亞度達施達亦麻麻，如果唔係佢喺前季斷腳長唞，佢同阿仙奴嘅成績可能好好多，家復出又俾人話喺歐聯外插水，遭歐洲足協罰停賽兩場，受埋咁多寃屈，一於喺周六代表克羅地亞迎白俄時發洩出嚟，直取克國[-1]「主勝」，為下周三對英格蘭壯聲威。
吾中
近5場往績：LLWL/
讓球主客和：克羅地亞勝[-1]
心得：克國要大勝壯聲威