前幾晚，跟友人去老尖一間開業不久嘅串燒店宵夜，捧佢老友場；只見3位主力股東喺深夜仍坐鎮舖內，冇辦法，旺區舖租「揦脷」，豪擲百萬闖天下，點都要緊張啲落力啲；成與敗當然屬未知數，不過有時後生仔唔肯放手一搏，怕蝕底，打份工混混沌沌多年，好快變鹹魚，只見佢哋隔籬有個吉舖，真想……。今天捧復現朝氣嘅瑞典，作客打敗匈牙利。
世盃外，其實好多賽事都幾無謂，不過呢個世界冇焗賭，難得喺頻繁嘅歐洲聯賽期間，有個難得嘅空檔，有啲截然唔同味道嘅賽事睇吓，小注怡情，感覺幾唔錯o架。當然，去到決賽周，唔同部署唔同形勢，這類賽事嘅參考性唔會高。
獨食王伊巴應有壓力
今日喜歡賭北歐隊，該地嘅聯賽亦去到下半季，入選土炮嘅狀態喺呢刻應係最佳，丹麥瑞典都係小弟後生睇波嘅愉快經歷，尤其係瑞典。後者目前喺第1組同葡匈兩國同被丹麥放甩，但爭緊個次名；今天作客對匈牙利，若再失分，應該好難出線。不過對手對上4連勝只係贏晒該組魚腩阿爾巴尼亞同馬耳他，咪當佢哋好勁；雖然我不喜歡獨食王伊巴，但瑞典兩位已外流嘅後生仔正奮力上位，分別係馬古斯貝治同托禾倫，希望伊巴喺師弟面前爭口氣，令北歐雙雄喺呢組最後順利出線。
（下次見報日：周日）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期六29瑞典(上)(1.95)
星期六29瑞典勝2:1(8),3:1(18)
簡評：瑞典作客匈牙利，主攻少讓平/半，抵買