亞視《2009亞洲小姐競選》港澳區12位候選佳麗昨日於亞視總台會見傳媒，原本入圍佳麗有13位，但7仝曉燕因病未能出席。大會又安排陳煒、羅麗莎、榮雪梅、AnaR.及何國鉦等擔任顧問，煒哥以一襲超低胸性感裝束到場，力壓12位師妹，對於性感搶鏡，煒哥說：「佢哋心口都好性感，呢排好努力減磅，cup數都有少少細咗，所以今日真係要挺起胸膛做人，佢哋有部份女仔得16歲，我都生得佢哋出，青春無敵，我搶唔到鏡。」
榮雪梅稱持平
大會昨日安排眾佳麗以低胸裝出場，當中以5號林紫君最有睇頭，問到她可覺較優勝時，她說：「唔覺會有優勝，平時我都好少着得咁性感，家努力收身，自己身材OK，唔需要太大。」此外，3號莫曉菲的提名人是榮雪梅，但榮雪梅表示會持中立態度。
採訪：王崇穎
攝影：黃偉雄