上月燈神
明年就有世盃決賽周，而且仲首次喺非洲搞。主辦國南非喺非洲中算係先進同發達國家，不過聽唔少人講呢個國家嘅治安好差，連喺酒店門口都隨時俾人打劫。朋友里奧家陣就計劃緊喺明年過南非睇波，但當地嘅治安問題就令佢好擔心。咁又係，外國啲賊比香港嗰啲兇狠得多，而且係揸槍而唔係攞刀仔打劫，所以你話唔驚就假。之但係，另一個朋友寶寶好多年前去過南非旅行，佢就話覺得冇乜嘢，不過佢就識話，可能佢係跟團，先至見唔到呢個國家嘅陰暗面。
世盃4年先得一次，仲係首次喺非洲舉行，我都希望主辦單位可以搞得好好睇睇。到時全球各地有好多人會去南非，我諗南非政府應該都醒目同識做。
上個月包尾，今個月會做燈神。愛隊德國今晚唔使踢世盃外，就喺利華古遜同南非友賽。南非喺今夏嘅洲際國家盃表現得唔錯，但唔好唔記得當時有主場之利，去到人哋地方就咪捧到佢哋咁高，我信德國可以幫我喺9月攞第1個W。
青蛙仔
近5場往績：WWLL/
讓球主客和：德國勝[-1]
心得：南非未夠班同德國踢