近年多咗好多玩家投入玩音響行列，不過入到影音舖見到咁多機，實在係唔知點揀好！買機之前首要決定自己嘅預算，作為新手玩家，6千左右其實已經可以買到最新5.1HD版擴音機加套裝喇叭，靚玩唔錯音質。
5.1大眾化
至於5.1同7.1，選擇之前除咗要考慮價錢之外，更要視乎家居環境，因為7.1後置會多一對喇叭，而且座椅同牆最少要有3呎距離，未必人人都可以安排到個合適環境，加上現時支援7.1嘅影碟未算多，如用5.1影碟來聽7.1，聲效未必能達理想效果。建議一般家庭玩5.1，整體效果可能更好。當決定好要購買嘅擴音機同喇叭，出機之前當然要檢查清楚，想知道如何檢查擴音機及喇叭，我哋請來華仁影音強哥為大家介紹，有興趣就到蘋果網睇片喇。
網址： http://www.vdonext.com/index.php?fuseaction=Features.Archive&channel_id=575781&program_id=659375
下期預告：試薄版PS3睇BD