「渴睡？中咗」、「情緒不穩？我起伏好大o架」、「改變飲食習慣？早排有減肥！」《無毒家教有妙法》小冊子的吸毒危機測試，「揭發」了發動罷驗校園驗毒計劃的江貴生，原來「可能對毒品已有一定程度之依賴，身體可能出現吊癮症狀」。立法會社福界議員張國柱，也因為「年紀大，有尿頻；唔夠瞓有渴睡」，被列為「可能有吸毒」。測試結果人人「中招」，永不落空。
「我梗係冇吸毒啦！」江貴生笑說：「我咁都衰咗十幾樣，好彩我同屋企關係唔差，否則真係唔敢畀阿媽睇。」他認為，疑心重的家長，一旦填寫問卷，「青年人都幾麻煩」。張國柱也最少取得3分，他說對結果一笑置之，建議家長應多關心子女，「好似衣服有異味，洗多啲衫囉；爛牙就帶小朋友去睇醫生」。
本報記者