女人shopping無分界限，前晚鍾欣桐（阿嬌）、陳穎妍和蕭芳芳三位老、中、青女星在銅鑼灣各有節目，阿嬌最高檔秘行Chanel，但匿埋睇衫避記者；陳穎妍有癡情TB經理人傍實嚴選中價貨；倒是年紀最大的蕭芳芳落落大方談笑風生，懶理途人眼望望從容打的，又是老薑辣。
銅鑼灣是女人購物大同世界，鍾欣桐、陳穎妍和蕭芳芳前晚不約而同相約女伴shopping逛街。三位女星中以62歲的芳芳姐年紀最大，但表現最得體，前晚她與一女伴現身利園附近打的，兩人邊講邊笑，雖然不時有途人向芳芳姐注視，不過她表現輕鬆，患弱聽的她還即場戴上助聽器，大大方方，與鍾欣桐匿埋揀衫相映成趣。
逛Chanel齋睇唔買
同時間阿嬌和陳穎妍也在附近買衫，33歲的陳穎妍與傳足7年斷背情的TB經理人Polly，齊穿白色裝束喪逛中價時裝店，陳穎妍先後試着紅皮褸及黑皮褸，但結果她不合心水未有買下。現場見兩人比前發福，Polly更做出甚man的掹鬚動作。
另一邊廂28歲的阿嬌則逛Chanel，但發現記者後即閃去底層。該店8時關門，她卻於8時半才離開，問她有否購物？她笑說：「冇，因為你哋囉！」昨日阿嬌到新城接受薛家燕訪問，她透露12月推出個人大碟，新歌已開始播放，她承認獨唱有困難：「好難，阿Sa（蔡卓妍）都係咁，希望快啲一齊唱番歌。」
撐華仔太照顧Fans
近日劉德華因講大話備受外界抨擊，阿嬌昨日也幫華仔講好話：「可能fans對佢期望太高，以佢呢個年紀結婚生仔好正常，佢太照顧fans先唔敢認，佢唔想令fans嘅幻想幻滅，個個都想做劉太o架啦。」
採訪、攝影：羅德光、黃曉程、楊浩賢、何永寧