張智霖（Chilam）自從晉身影圈後，便專注拍片淡出樂壇，正如他所言：「唱歌係我踏足娛樂圈嘅第一步，之後好似急凍咗！」去年Chilam在張國榮的悼念騷中再展歌喉，吸引多間唱片公司計劃為他出碟再戰樂壇，面對唱片巿道不景氣，但他仍有信心衝破金唱片銷量。
張智霖與許秋怡在91年合力炮製大碟《現代愛情故事》紅極一時，踏入樂壇未幾，Chilam即轉戰影圈，之後絕少以歌星身份亮相，隨着Chilam在10月底將推出廣東專輯，重返樂壇，他的歌迷就可以再聽到他的歌聲。
闊別樂壇5年
Chilam已有5年沒有推出唱片，他日前說：「舊年做咗個紀念哥哥（張國榮）嘅騷，之後就好多公司搵我想合作出碟，最終選擇同Neway合作，唱歌係我當初踏足娛樂圈嘅第一步，之後好似急凍事業咁，加上巿場萎縮，後來又多咗電影同電視劇工作，所以一路放低咗件事，近年覺得自己好少喺香港出現，都係時候要同觀眾見吓面。」
靚靚頭號Fans
Chilam為了專注做好這張專輯推掉不少工作，他說：「預備出碟推咗好多工作，尤其係內地，因為一返內地拍嘢就做唔到宣傳，好多嘢兼顧唔到，而且又生咗小朋友呢，唔想成日離開香港，會好唔捨得。」對銷量有何期望？Chilam深明現時巿場需求和變遷，已作好心理準備，但仍有信心衝破金唱片銷量。
Chilam為了給予觀眾成熟感覺，刻意留了些鬍鬚，至於唱片封套主題取材，他堅拒不會騷身材作賣點，而太太袁詠儀對他再戰樂壇大表支持，Chilam還笑言：「佢係我頭號fans。」
採訪：卓寶花 攝影：葉君海
服裝：I.T 化妝：HettyKwong
髮型：BenLeeofAglow