藍奕邦一向同劉德華都幾老友，成日喺音樂上合作，日前阿邦為新歌《向前走》拍MV，原本呢首歌阿邦係因為去年經歷喪母之痛而寫畀自己作為鼓勵，叫自己凡事要勇敢向前走，但佢近日見到華仔是非不斷，佢都好同情華仔，希望送呢首歌畀佢打打氣，希望佢唔會因最近嘅事而唔開心，繼續向前走，因為好多人仍然會大力支持佢！