七月流流，八卦老友都勸我少啲出夜街，本來平生不作虧心事，基本上無乜好擔心，不過噚晚單拖落銀幕街搵個Friend飲嘢，就真係嚇咗一跳。話說夜晚十一點幾，去到天后站準備落車，成個月台跟往常一樣人影都唔多個。車未停定之際，從玻璃見到月台外一身黑衣打扮嘅女子，靜靜地坐咗喺度，車嚟到都無反應，只一直垂着頭，遮臉長髮更配合身體不規則擺動而飄盪。當時車廂人不多，但不約而同閉氣噤聲，車門甫開，大家有默契地放輕腳步，彷彿害怕打擾呢位「貞子小姐」。雖然係人都估到個女仔只係攰得滯，等車期間瞌眼瞓釣魚，但此時此刻，望到此情此景，我都係嗱嗱臨飲兩杯，早啲返歸穩陣。
記者：徐影龍