適逢炎夏，越趨日新月異的飲用產品就更多姿采，連帶樽蓋亦繽紛多變，因應不同的飲料有不同形式的瓶蓋，實用外還可作識別或家品擺設，使樽身形象同時提升。
記者：林佩婷
攝影：陳陶鈞
Model:Chichi
百變樽蓋人
拎上手以為是普通卡通人物鎖匙扣，但原來同時是樽蓋。新出的樽蓋人別注版有豆腐、嘻哈及暴力熊組合等，開派對時支裝飲料換上私家蓋就唔怕飲錯人口水尾啦。各$39.9/a
玩味又實用乜蓋都有
樽蓋外形雖然大同小異，但當中的玩味性卻可以很強，新出的樽蓋人別注版，是匙扣也是樽蓋，一物二用。除常見的汽水蓋及酒塞外，還有精緻的水瓶蓋及奶蓋。
隔絕空氣
飲剩汽水最怕之後變無氣，這個哈哈笑樽蓋，輕壓笑臉可將樽蓋空氣抽出，減慢漏氣時間。$30/c
開出新口
按紙包鮮奶撕口打開後，還是很易漏奶！這個紙包開瓶器防漏之餘，飲唔晒仲可以作奶蓋封口，且有刷可作定期清潔。原價$20 特價$10/c
輕輕一插，就能插入紙包飲品作開口及封蓋。
典雅鮮花
半透明的鮮花酒塞，有百合、蘭花及木蘭三款，嘆酒時彷彿讓人同時聞到酒香花香。各$138/b
孔子真言
別以為酒塞得個靚字，也可教人道理。一套三款以孔子非禮勿視、勿聽、勿言作藍本，單看動作便知其意。$360/d
釋放燈神
神燈童話家傳戶曉，將它變成瓶蓋，猶如自己擦出燈神，瞬間進入童話世界。$145/b
惹火閃閃點開都得
坊間的開瓶器以針對開樽裝汽水或啤酒及紅白居多，而且一如樽蓋，開瓶器亦由以往的平凡金屬，演變出繽紛款式及多功能用途。
一物三用
骰仔造型卻不只玩物咁簡單，同時是汽水開瓶器，再同時是打火機，點數一位置生火，而且點火時骰仔還會閃閃發光，一物N用。$34/e
骰底用作開瓶。
鸚鵡開瓶
手工塗裝熱塑紅酒開瓶器，猴子身包實酒樽，頭頂的鸚鵡平添趣味。$650/d
磁石固定
大頭蝦經常搵唔到開瓶器，這塊磁石開瓶器，貼實雪櫃門不怕失蹤。$280/b
同場加映 無限拉蓋止手痕
有人喜歡開汽水那一剎的聲音，這個頂癮汽水罐可無限次拉蓋，發出拉蓋及倒汽水的聲音，最啱手痕友頂癮。各$59.9/a
a.瑞華行（24331828）
b.Homeless（26911981）
c.city'super（26930666）
d.ALESSI（26341162）
e.bitsnpieces（62763974）