在娛樂圈生存絕對不易,自上年開始阿Kay(謝安琪)人氣急升,唔少品牌都搵佢拍廣告做代言,但阿Kay就好少坐定定同大家分享她的美麗心得。原來入行前後的阿Kay都有用開~H2O+八杯水,自言肌膚保濕清潔最重要,入行後就更加注重身體健康,花多了時間補身,想知天后青春養顏有何秘訣,一定要睇!
記者:陳諾堯
攝影:梁細權
Makeup:[email protected]
Hair:[email protected]
服裝鳴謝:Max&Co.
天生麗質重清潔
訪問當日是記者第二次見阿Kay真人,記得第一次是大概五六年前,仍未走紅的Kay在Cafe唱Live,和今天的她比較,感覺依然健康青春,同樣有親和力,皮膚亦是那樣的好!原來阿Kay從小到大的皮膚都是天生麗質那種,完全沒有遇上大問題,「我本身屬於混合性皮膚,但一向都無乜問題,入行前極少化妝,通常只係清潔同搽Lotion。入行之後就唔同晒,成日要曬、捱夜、化妝,加上多塵,所以連化妝品都要用得好,要有保護皮膚成份,同埋落妝清潔一定要做得好。」除了清潔之外,Kay亦注重肌膚的光澤和質素,「我哋好多時化妝都會唔小心拉扯到皮膚,我會好小心處理,唔會大力同埋唔可以急,一有時間仲會做FaceMassage,等精華更易吸收,又可以促進血液循環,個樣睇落會醒神好多!」
FaceOasisultrahydrator$340
加入B5特效保濕因子,令肌膚更保濕、鎖水,並具有吸濕力,可從空氣中直接抽取水份進入肌膚底層。含維他命珍珠營養粒子,具抗氧化之效,同時提升肌膚的光澤感。
同八杯水唔同,升級版裏面有一粒粒珍珠粒子,一路搽自己會溶,好滑!
私家手法一二三
原來Kay平時仲會配合埋按摩手法令ultrahydrator更加吸收,又可預防包包面!
月食萬元冬蟲草
皮膚要靚但養生都好緊要,唔講唔知原來阿Kay好注重身體調理,每個月差不多花約萬元食冬蟲草!「有歌手朋友教我食冬蟲草功效好好,可以補血氣同保持皮膚幼嫩,總之整體上成個人都健康咗,所以就跟佢試吓!我每晚都會洗乾淨三條冬蟲草,再用清水浸住,等到第二朝起身成碗燉一個鐘,趁佢暖暖哋時全部空肚食落肚,再飲埋碗水,日日Keep住食真係好好,有飽肚感又易入口。另外,我每星期會飲兩次花膠燉雞湯,日常生活就一定每日都要食生果,加上中醫教我要飲多種類的水,所以都有帶自己屋企煲的水出街,仲要飲吓蒸餾水、礦泉水等等。」記者聽完真係獲益不少,好想好有錢食到成萬蚊的冬蟲草,諗起都覺得嘆,唔怪得之阿Kay成日都咁青春,做咗媽咪都咁靚!
DIY秋日保濕Mask
阿Kay平日除了會搽保濕Cream同幫塊面按摩之外,原來有空的時候仲會自己做DIY保濕Mask,做法簡單就可以令到肌膚唔會缺水,敷完夠滋潤又清爽,最適合轉秋季的時候日日敷!
材料:青瓜、1/3杯原味乳酪
未紅已用八杯水
大學時的阿Kay讀美國研究,那時已經留意到一班美國朋友話~H2O+好好用,於是開始搭單叫朋友買,「一開始好鍾意用八杯水,淨係用佢就可以,唔使再搽其他產品,搭飛機時真係無咗佢唔得!記得那時去美國做交流生,真係誇張到拖個『吉』篋衝去買~H2O+。因為香港天氣潮濕,有時搽Cream好好辛苦,今季出了一隻新的ultrahydrator,轉秋季時用最好。我會先搽Oasis24hydratingbooster,然後再用ultrahydrator,最後搽埋八杯水就掂晒。」
找替身做代言
除了是粉絲加代言人,今次阿Kay同~H2O+仲一齊推出自己的KaydolIcon,而且加入了很多個人構思,「意念係凸顯我活潑、朝氣同時尚的一面,而~H2O+、我及本地插畫及音樂創作人古惑貓都有參與今次設計,我覺得好有新鮮感,因為平時做創作都係同音樂有關,今次有份設計自己的Icon覺得幾得意同興奮。我特別鍾意Kaydol個髮型,係我的SignatureHairStyle,好多人都會記得我呢個頭!」另外,呢個KaydolIcon仲會出限量版化妝袋、八達通卡同八達通套,係阿Kay粉絲就一定要留意!
後記
訪問前,記者收到指引盡量不要問及阿Kay的家庭狀況,所以訪問全程都避免提及張先生同張公子。但訪問去到尾聲,阿Kay突然爆咗一句:「個仔返咗學兩個禮拜,三點鐘佢就嚟放學啦,等我打個電話畀佢,問佢今日返學返成點先!」超Sweet……嗱,我無問,唔關我事o架!
$388買Kaydol八杯水限量套裝
呢套限量套裝最筍就係有原裝Size最新產品FaceOasisultrahydrator,當然仲有阿Kay的Kaydol化妝袋,唔係隨便買到!快啲剪低Coupon去買喇!
~H2O+×Kaydol八杯水限量套裝
產品包括:
-限量版謝安琪×~H2O+化妝袋一個
-FaceOasisultrahydrator50ml
-海洋礦物洗面奶30ml
-海洋爽膚水30ml
-全身綠洲深層保濕啫喱30ml
-潤手護甲霜30ml
*憑此Coupon即可以優惠價$388購買~H2O+xKaydol八杯水限量套裝,數量有限,售完即止。
*一切爭議,本報決不負責。
查詢:~H2O+(31827777)銅鑼灣世貿中心1樓P125舖
‧必須憑報紙剪報才可以享有優惠。