由林健鋒等人成立嘅經濟動力首次以呢個名義獲煲呔接見，上星期已經以鄉議局主席身份見煲呔嘅發叔要再次出動，陪同其他「三L」翻啅煲呔。名為「經濟動力」，佢哋最近最想「動L」嘅竟然係禁毒而唔係經濟，聲稱獲城中名人支持搞咗個禁毒活動，獲贊助製作100萬條藍黃色絲帶「同心結」，希望喺10月19日派送全城學校、商戶以及卡拉OK，以示同心支持抗毒。
煲呔畀面「經濟動L」，答應做名譽贊助人，八方戥佢哋擔心，花錢整咁多絲帶隨時俾環團批評唔環保㖭！「心結」易結難解，呢個禁毒活動相信唔會叫埋自由黨玩，因為佢哋噚日正式婉拒田少復合建議，梁劉柔芬話「唔想困喺太細空間」。外面無疑天空海闊，睇你玩得幾大？