月圓佳期 上山會韓紅

月圓佳期 上山會韓紅

10月是旅遊的黃金檔期,旺季剛過貴價不再,天氣又好,睇住張地圖隨意篤一個地方都可成行。想睇紅葉,可以由四川、北京一路去到韓國、日本;想賞月,可在西湖泛舟,或上黃山登高;想遠走高飛,由印度到歐洲都係幾千蚊起。嘻!仲唔趁國慶、中秋假期出外唞唞氣,等幾時?

記者:吳允冲

處處紅葉
雪嶽山漫天楓葉

9月下旬至11月上旬都是去韓國睇紅葉的好日子,楓葉由雪嶽山開始慢慢轉紅,「韓紅」蔓延至五臺山、智異山等地,甚至於首爾市的景福宮,都可見到漫天紅葉與黃葉的美景。10月初跟團去雪嶽山統一公園,就可捕捉樹葉轉為橙紅色的一幕,更可一嚐秋天當造的松葉蟹。

雪嶽山、金銀島溫泉樂園玩樂5天團(KKSN05SD)
團費:$2,499起(新華)
特色:於夢幻樂園試玩世界傾斜度最大的過山車T-Express

溫泉樂園、首爾、南北韓軍事要塞4/5天團
(KKLG04/05SD)
團費:$2,199起(新華)
特色:住全新LG度假村「理想空間」

■如此美景,豈能錯過?

纜車賞紅葉

京都一向古色古香,有紅葉作背景令風景更迷人。此團可乘纜車欣賞日本三大美景「天橋立」,居高臨下睇風景之外,亦會到日本人最愛去的嵐山,屆時整個山頭秋葉紅黃相間,走在渡月橋向上望,紅葉河谷的美景有16公里咁長,必定十分壯觀。

京阪奈良開心5天團(JOAE05)
團費:$5,999起(東瀛遊)
特色:以觀光、購物為主

■在京都看紅葉,又是另一番美意。

其他平團
搭Eurostar掃名牌

平日搭一程Eurostar已要千幾蚊,這團不計成本,讓你搭Eurostar由英國直抵巴黎,省時方便。行程包括倫敦、巴黎、阿姆斯特丹、布魯塞爾等城市,更於巴黎留兩日,讓你去LV掃貨買個夠。

歐洲8天超值抵玩團(EWLJ08SP)
團費:$6,899起(新華)
特色:搭Eurostar慳時間

石林睇肚皮舞

六千蚊平日或許只夠買機票,這個10天團更包食宿,10天內遊走土耳其6個名城──加柏都斯亞奇石林、以弗所古城、《木馬屠城記》中的特洛伊、棉花堡、伊斯坦堡等,仲可以在奇石林夜總會睇肚皮舞,夠特色。唔知土耳其的月光是否特別圓呢?

土耳其10天優惠團(BTUK10SS)
團費:$5,999起(新華)
特色:住棉花堡浸溫泉

■加柏都斯亞奇石林充滿古歐神話色彩。

祖國迎月
西湖泛舟

中秋遊杭州,夜晚在金桂號上夜遊西湖,一邊欣賞民樂表演,一邊嘆茶食月餅。此時此刻,與其抬頭賞月,不如看月亮的倒影,不是很浪漫麼?

西湖賞月上海杭州4天至尊豪華團(NGA04)
團費:$4,599起(康泰)
特色:親身體驗一年一度錢塘江潮

■乘船夜賞西湖,浪漫迷人。

登高迎月

在山頂上賞月,不知月亮會否顯得特別大?搭纜車上黃山,八月十五在山頂迎月,品嚐中秋美點,仲會住一晚黃山上的四星級飯店,包你全晚都可以對住個月光瞓覺。

黃山合肥國慶中秋4天直航豪華團(NXG04)
團費:$3,799起(康泰)
特色:送國慶彩色鍍銀紀念章

好漢登嶺遊城

參加北京旅行團,一般必遊萬里長城。此團選擇去八達嶺,連爬帶碌地上落,雖然驚險但風景更壯觀,秋天期間長城旁更佈滿紅葉。行程特別加插中秋晚會,有民間藝人表演老北京絕活毛猴、剪紙、泥人張等,一定好熱鬧!

北京中秋賞月5天團(CBJD05)
團費:$2,799起(美麗華)
特色:乘坐和諧長城號往八達嶺、住5星級酒店

■長城上賞月,你會感受古建築的宏偉。

查詢:

新華旅遊(27222888)
東瀛遊(36920888)
美麗華旅遊(82002299)
康泰旅行社(21088888)