胡杏兒噚日到新城接受訪問，順道宣傳佢首新歌《光明日》，主持人送上一張拉斯維加斯單人機票畀杏兒，擺到明叫杏兒孖埋另一半去賭城結婚啦，杏兒即刻話：「去到梗係唔好結婚啦。」杏兒首新歌係圍繞人愛得盲目，到知道男方不忠時先醒晒，杏兒話自己現實生活中接受唔到男友對自己不忠，黃宗澤真係要聽清楚啦。