粗口不能亂講，特別是公眾人物，落選港姐、胸軍一號鍾溥敏似乎還需學習，不過無綫話事人樂易玲會否給予機會還言之尚早，皆因鍾小姐最近在facebook上以「ho7」（即好×）形容樂小姐愛將林峯。曾任無綫見習記者的鍾溥敏明知自己是非多仍不作收斂一下，真係要講句前程似「咁」。
鍾溥敏憑35吋上圍冠絕一眾候選港姐，其35.5吋下圍也令她榮登港姐籮霸之列，雖然身段驕人可惜五官組合尚在平均質素以下，慘被列為陪跑分子，就連曾志偉也質疑：「都唔知2號（林潔瑜）同7號（鍾溥敏）點入圍！」鍾溥敏事後即回敬說：「我哋係樂小姐同監製揀入圍，可能佢同評判意見唔同啦！」
友人指亂講嘢
問鼎港姐三甲有難度，結果鍾溥敏挾着兩個贊助商奀獎：最佳首飾演繹佳麗及莎莎智完美肌膚獎殺入電視城，日前還聯同另外四位落選佳麗試鏡博入娛圈，未知是否再闖電視城眼界大開，想與大家分享，故日前她在個人facebook上寫着「林峯真人…」，引來友人好奇留言：「係點嘅呢？」鍾溥敏即寫道：「ho7（粗口，好×，形容人戇居、笨拙之意）。」
鍾溥敏此三字經一出友人也為之O嘴，關姓友人回應謂：「hahaha……startingto亂講嘢alreadyla肥妹哈哈！」另一友人則寫道：「林峯本身係國內人，7呢家嘢唔知關唔關事，仲以為你會俾佢電暈！」似有歧視同胞之嫌。雖然不少人錯以為在網上發言毋須負責任，不過無綫新聞部實習生出身的鍾溥敏，下筆應有分寸，最弊就是林峯是無綫高層樂易玲愛將，今次鍾溥敏公然批評他「ho7」，就算入到電視城試鏡都有手尾跟。
經常遭人爆料
其實鍾溥敏參選以來是非不絕，經常遭讀者爆料，先被踢爆讀樹仁大學一年班時考大考出貓，遭取消資格，繼而被爆夜蒲攬仔，參選前夕又被爆在酒吧當「拳手」，技術出神入化又愛向顧客索貼士云云，加上今次亂講嘢開罪高層愛將，演藝前途可謂凍過水。
撰文：葉雪