花旗嘅金融股被質，前晚花旗股市顯著下挫，如果唔係A股企穩，港股噚日應該唔止跌350點收市，恒指報收19522，微微低過50日線，成交雖然再縮，但唔代表沽壓細，頂多只係反映股民採觀望態度。
滙豐控股（005）被掟到落80元邊，股價如果跌穿78元，就睇74元，要留意空軍手影。
中石化C輪17365：中國石油化工（386）昨收6.59元，逆市升0.7%，主要受內地成品油價格上調刺激，如果大市氣氛好番啲，中石化有機重上7.50元，可以諗吓隻C輪17365。
隻輪現價13.1仙，2010年12月28日到期，行使價6.58元，溢價19.7%，引伸波幅45%，有效槓桿3倍，正股升上7.50元，17365睇19仙，如果正股跌穿6.15元，就沽咗隻輪止蝕。
俊樺