名模歐陽妙芝一家四口日前到泰國布吉度假，4歲長子方玉丞（Achille）剛開始習泳，正好大派用場，幼子方玉亨（Atilla）年紀較小，比較怕水。熱愛家庭的妙芝希望偶像劉德華和華嫂朱麗倩也早日造人成功。
歐陽妙芝嫁及商人夫婿方時俊（Steven），並育有兩名兒子方玉丞和方玉亨，分別4歲及1歲多。妙芝趁開學前，一家四口到了泰國布吉度假，享受幾天陽光之旅。
嬰兒食品頂肚
這次全家入住的酒店，房間外有私人泳池，妙芝表示Steven不時帶着兩名兒子嬉水，小朋友尚小，不明白嬉水的危險性，妙芝卻十分緊張，每當囝囝在池中玩耍，她都到實，以免發生意外。她昨日在電話中說：「Achille啱啱開始學游水，所以佢呢次玩得好雀躍，佢冇咁怕水，細佬Atilla就細膽啲，一落水就好驚。」
由於泰國食品多嗜辣，幸好妙芝有帶嬰兒食品給幼子，而長子則分吃胞弟的嬰兒食品伴飯頂肚，妙芝說：「見到Achille只係食白飯，我哋都幾心痛，好彩佢又唔揀飲擇食。」
撐華仔做老竇
妙芝返港後得悉爆出偶像劉德華隱瞞已婚，身為死忠fans的她，連日密切留意華仔動向，對於他最終不但認妻，還為謊話公開道歉，妙芝力撐說：「我點都支持華仔，亦歡迎華嫂（朱麗倩）嘅加入。其實呢啲都係華仔嘅私事，佢有權唔公開，不過我覺得華仔揀得朱麗倩，當中一定發現女方有獨特優點，我覺得朱麗倩好靚女，我見華仔拖住佢都好感動。」妙芝衷心祝福華仔早日如願以償，達成做爸爸心願。
採訪：比華利