成奎安（大儍）因癌病逝世，終年54歲，今日喺沙田寶褔山設靈，聽日出殯，今次李修賢有份幫手辦喪禮。今晚7點由曾志偉講番大儍嘅生平，之後神父主持彌撒，靈堂上仲會播番大儍嘅電影片段同相片，聽日喺寶褔山嘅儀式完成後，會再喺西貢聖心堂舉行安息禮拜，靈柩隨即運往南圍竹角安葬。大儍嘅兄弟、太太、兩個仔同孫仔，都會送大儍最後一程。