個市跌成咁，好多散戶都想知究竟跌完未？估計呢一浪調整冇咁快跌完，問題係後市點樣跌法，究竟係直插式大跌，抑或係反覆下跌嘅局面？
要出現直插式急瀉，必須市場忽然爆出極負面消息配合，呢種跌法唔會拖泥帶水，跌得快時見底亦快；如果個市自然調整，過程難免拖長。
第一種跌法太突然，無乜人估得到，散戶事前無法沽貨，「坐艇」可以好深。第二種跌法升下跌下，過程中止蝕與否有時間考慮，但容易令人鬆懈。若大市未跌完，散戶情願係邊一種跌法？
食正3G大趨勢
中國無線（2369）半年業績轉虧為盈，賺3240萬元，每股盈利1.59仙，派中期息1仙。值得留意是今次中國無線每股賺1.59仙，但就派出大半純利作為中期息，反映集團對未來內地電訊業「錢」景十分有信心。事關內地將大力推出3G，中國無線食正大趨勢，未來生意不愁。
該股昨跌1格，報收0.55元。伺機買入，後市料再上試高位0.64元，以0.45元作止蝕位。
方星俠