關心妍、薛家燕、梁藝齡、梁雨恩、裕美和劉以達等，昨日在馬灣公園出席影音使團「方舟多媒體博覽館」開幕活動。關心妍今個月10日至12日在伊館開騷，為正生書院籌款，雖然楊千嬅和梁詠琪臨陣縮沙，但關心妍堅持照開，但當初籌款目的卻有改變。
關心妍說：「因為賬目問題搞到好敏感，所以家決定唔會直接捐錢，籌到嘅錢只會用嚟請正生班學生去迪士尼或食自助餐。」
裕美否認解約
另外，裕美被指遭經理人公司解約，她說：「冇解約，家大家想傾一個解決方法，我只係想唱歌，不過公司比較忙，冇時間傾。」她亦為之前遭雪藏的傳聞解釋，她說：「冇特登（雪藏），只係諗緊解決方法，之前暫停工作啫。」同是歌手身份的梁雨恩早前要在麪線舖兼職幫補生計，她說：「新聞出咗之後已經冇再做，我係幫朋友手至去打工。」
採訪：魯萍
攝影：陳順禎