港產數學家陳繁昌噚日正式履新，成為科技大學新校長，並且主持開學禮。珠玉在前，好多師生私底下將佢同前任校長朱經武作比較，難得陳校長信心十足，同八方講話佢冇壓力，自己亦其實好鬼親民，相信可以好似朱經武咁做一個親切的校長。
對於朱經武離任前鬧政府對科研冇耐性，陳繁昌話，家全世界仲受緊金融海嘯嘅冲擊，但好似美國咁，對科研嘅投資唔單止冇少到，反而多咗五成，希望港府可以學吓。
唔少科大同學都幾喜歡新校長，有學生話，如果形容朱校長係外冷內熱，咁陳校長就係熱情奔放，希望日後可以同新校長多多交流咁話。據聞陳校長已經約咗學生代表今個禮拜見面，聽聽學生心聲。