巴塞隆拿周一憑保贊、施度基達及伊巴謙莫域三記頭槌，主場輕鬆以3:0大勝希杭，衞冕之路取得好開始之餘，亦順利開出[-2]「主勝」，霸氣盡現。連同其他歐洲二線波，周一勁旺強隊，共有5場賽事贏波贏盤（見附表），令一眾上盤客贏個盤滿缽滿，笑逐顏開。力奇
除皇牌美斯隨阿根廷國家隊備戰對巴西及巴拉圭的世界盃外圍賽、「白面」恩尼斯達因傷缺陣外，巴塞今場「夫添」出戰，伊巴謙莫域及麥士維兩位「新丁」都有披甲上陣。
賽前，巴塞由隊長佩奧爾向球迷展示上周五贏得的歐超盃獎盃，令場內氣氛熾熱。比賽初段，希杭頭威頭勢，但巴塞很快就搶回主動權。戰至17分鐘，保贊接應施度基達的助攻近門頂入。
保贊傷小腿休3周
完半場前兩分鐘，施度基達接應丹尼爾開出的角球頂成2:0，施度基達今場憑一入球一助攻獲選此役最佳球員。巴塞在82分鐘由伊巴謙莫域飛頂破網取得「地標戰」入波，為巴塞「埋齋」之餘，開出[-2]「主勝」。
施度基達賽後說：「我們要勝出每場賽事，假若球隊可像上季般取得成功就好了。」不過，巴塞今場有保贊勇戰弄傷左邊小腿，需休養3周，將肯定缺陣未來聯賽對基達菲、馬德里體育會及歐聯對國際米蘭的大戰。
另外，左閘麥士維左邊大腿亦受傷，將缺陣兩周。然而，巴塞日前成功從薩克達簽入22歲烏克蘭中堅基格連斯基，他最快可於下輪對基達菲就可上陣。
周一球賽旺強隊贏波贏盤
賽事：瑞超
賽果：奧雷布洛贏加費萊2:0
盤路：[-1] 勝負：勝
賽事：挪超
賽果：洛辛堡贏利恩4:1
盤路：[-2] 勝負：勝
賽事：德乙
賽果：杜伊斯堡贏杜塞爾多夫3:0
盤路：[-1] 勝負：勝
賽事：葡超
賽果：賓菲加贏塞圖巴爾8:1
盤路：[-1] 勝負：勝
賽事：西甲
賽果：巴塞隆拿贏希杭3:0
盤路：[-2] 勝負：勝
牽牛贏近3成封王
牽牛在8月擂台初段帶出，但上周六藍鑽石及畢傑發力，雙雙超越，但牽牛又衰唔晒，周日及周一連中兩條2串1，終於保住盟主，藍鑽石、畢傑均有豐厚利潤，卻要屈居第2及第3，而總結有4位名家以正分過終點。
