球季開了，難得喺呢段國際賽賽期，有機會唞吓氣，其實聽友人建議到澳門唞一兩天，吃喝玩樂係一個唔錯嘅選擇；咁啱見到一個澳門五星級酒店嘅廣告，佢哋趁9月開始踏入淡季減房租，真係心都郁埋，不過至怕去到賭場定力唔夠……
執筆時，今夏球員轉會市場尚未關閉，但當大家話因滙價貶值同稅重，英超球會出唔起錢請人；但係好似老樸同熱刺仲好似癲咗咁掃貨，最癡線梗係侯城中堅米高端納值1,200萬鎊（約1.5億港元）賣畀新特蘭，阿仙奴簽華美倫用1,000萬鎊，有米嘅巴塞剛簽嗰位薩克達中堅都係2,000萬鎊左右，一個英國二線當打中堅真係值咁貴？新特蘭領隊布魯士單計季前買賣，已淨花了二千幾萬鎊，呢種賭性，同去賭場博鋪大細冇分別。留到級，盈利都係翻一翻，當然搞波可以係笑蝕嘅玩意，我哋本地班霸南華就係最佳例子。
望櫪木SC放手一搏
冇英超玩，今天重心當然又係對付日乙嘅大魚腩櫪木SC，上次推介波友買鳥棲，順利贏前者兩粒；今次櫪木作客級數更高嘅湘南比馬，難逃一劫。往績計，櫪木今季好少作客輸多過一粒，但已17場不勝，現時死守都冇用，希望佢哋放手一搏，輸大鑊啲；過關用番比馬1.38倍W，串另一強豪、剛度過低潮嘅大阪櫻花W。
（下次見報日：周六）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期三8湘南比馬勝[-1](2.2)
星期三5大阪櫻花勝(1.7)x星期三8湘南比馬勝(1.38)2x1
簡評：櫪木SC又出場，你食唔食？