法國護膚品牌Biotherm全新的SkinVivo基因活顏系列，為基因注入生命力、猶如逆轉時空再生，回復10年前的肌膚年齡。剛踏入30歲的廖碧兒表示年紀越大，新陳代謝減慢，抗衰老是重要一環，用上適合的護膚品令她越大肌膚卻越年輕，她更對自己比8年前選美時年輕漂亮大感自豪。
廖碧兒自爆其肌膚問題是皺紋，她說：「我嘅問題係皺紋，其實20歲開始就要保養皮膚，但我20幾歲讀大學時就唔理，以為自己好青春、好靚，只係會洗吓面，家30歲頭，過咗嗰段時間，所以要用番適合嘅科技去做。」
充足睡眠養顏
01年摘下國際華裔小姐后冠後，廖碧兒始知道護膚的重要，除四處搜集適合自己的護膚品，對飲食也相當注重，她說：「食錯少少嘢、煎炸、飲少啲水、唔夠瞓已經見到黑眼圈，我家呢個年紀，開始容易水腫，所以要好注意飲食，做唔到就瞓多啲，我每星期最少做3至4次運動，每個女性都想展現最靚一面，咁會令我更添自信心。」
按摩有助吸收
對於回復青春的秘訣，她說：「我尤其注意眼部護理，因為眼神好重要，成日要貼眼睫毛同化妝，我會不停做水份mask，夏天用eyegel、冬天就會用eyecream，加上家有咗Biotherm呢個SkinVivocombination真係好好，因為吸收好重要，按摩吓更加容易吸收，家HD好容易睇到皺紋，自己一個禮拜可以按摩一次，好方便。」
對於現時的皮膚質素，廖碧兒說：「個個睇番我選美啲相，都覺得我家仲好過之前，選美時反而似30歲，其實當年只得21歲。」
活膚按摩法
使用SkinVivo的基因活顏精華混合基因活顏乳霜，配合活膚更生按摩法，能活躍細胞活動吸收、刺激更生與緊致面部。
Steps1
將SkinVivoAnti-ageReversiveSerum混合SkinVivoAnti-ageFundamentalDayCream後，塗於臉頰、額頭及頸部。
Steps2
將手指聚合微曲，由兩邊嘴角開始沿着臉頰向上輕按，再於前額由內至外輕按至太陽穴，重複動作2、3次至感覺微溫。
Steps3
用食指按眉尾太陽穴位置，加以按壓最少5次，可刺激淋巴系統，增強血液循環及排毒系統。
Steps4
把食指及中指聚合，於臉頰顴骨對下位置按壓，並由臉頰向耳朵方向推進，重複最少5次，可刺激臉部光澤度及達到緊致效果。
SkinVivo產品
