劉德華、黎明已婚不認，惹來批評指他們大話連篇。周慧敏當日倉卒和倪震成婚，但仍舊發放結婚相片，她指入行以來，跟全香港人一同成長，彷彿一家人般，所以沒保留公開另一半及結婚消息，更感激fans支持給予力量，揚言是自己的福份。
周慧敏昨日以代言人身份，在銅鑼灣時代廣場出席ShiseidoRevital新專櫃開幕禮，更找來好友谷祖琳做特別嘉賓，由她為小谷化妝。年逾40的周慧敏保養得宜，她昨日穿上一襲HarveyNichols紅色單肩裙，配YSL高踭鞋，明艷照人，第6年出任代言人的她說：「今年除咗亞洲區之外，仲會做埋美洲區代言人，象徵式加少少酬勞啦。」
「應該有自己空間」
本報早前獨家報道劉德華與朱麗倩、楊千嬅與丁子高、黎明與樂基兒三對明星婚訊，她公開祝賀眾人說：「希望咁多對新人都幸福。」眾星紛紛自稱單身，其實大話連篇，周慧敏就代解畫說：「無論公唔公開，幾時公開都係自己選擇。雖然係公眾人物，但係私人事，應該有自己空間去處理。」
周慧敏曾被指和倪震早已在外地結婚，她說：「一定冇，唔驚，因為外國註咗冊，喺香港再註冊係犯法。我哋呢pair都係公開另一半，就算結婚都唔係乜秘密。大家都知，入行至今，我同全香港人一齊成長，好似一家人感覺，所以一直都好公開，冇乜保留。」她續說：「多謝fans支持我嘅決定，呢個係我嘅福份，畀力量我勇敢咁決定生活嘅路。」
谷祖琳稱冇換畫
此外，谷祖琳剛在西環開了第二間甜品店，她早前被拍到和男伴約會，她強調只是朋友，現時和男友感情穩定，但沒打算結婚。
採訪：LawWaiMan
攝影：WongManWai