8月最後1個交易日，港股終於守唔住20000關，恒指大幅裂口低開之後繼續尋底，最後企喺19724收市，下跌374點，成交增加至673億元，但大市氣氛尚算平靜。
港股現水平與技術支持位好接近，咁嘅成交照計守得穩，較為不利係A股嘅勢幾曳，港股呢邊可以睇實六行三保走勢，如果企得穩，後市毋須睇得太淡。
工行C輪5837：工商銀行（1398）昨收5.29元，逆市升0.5%，收市前買盤幾積極，如果升破5.40元，有機試5.76元，可以諗吓隻C輪5837。
隻輪現價37仙，2009年11月27日到期，行使價5.38元，溢價8.7%，引伸波幅39.3%，槓桿率14.3倍（有效7.2倍），正股升上5.76元，5837有機見65仙，如果正股跌穿5.12元，就沽咗隻輪止蝕。
俊樺