生果之中，我至愛日本巨峰提子，貪其又甜又大粒又多汁，肉質似啫喱，還帶有少許葡萄酒香，不過懶人如我就會嫌麻煩要吐核！最近在「菜菜子」找到一種無核巨峰提子，食起來比較方便，但論甜度，就覺得稍遜於有核品種。
試完無核巨峰提子，老闆再介紹我食細細粒、來自日本山形縣的珍珠提，老闆仲話我知靚靚袁詠儀經常都有來幫襯買番盒，鍾意它爆汁喎！果然用手指公和食指輕輕一「掐」就爆汁及「咇」出提子肉，味道甜中帶好輕微的酸味，好清新。老闆教路，揀靚珍珠提一定要夠挺夠硬身，外皮有層白色果粉，再留意提子柄是青色的話，就為之新鮮呢！
菜菜子有機蔬菜（29764100）
地址：灣仔道3號