歐洲車壇中相當重要嘅法蘭克福車展，又即將喺柏林開鑼。今年Porsche重頭戲之一，就係呢架以911GT3RS為藍圖而改良嘅GT3Cup。外觀上，除前方擾流降低15mm、車尾比RS闊44mm外，尾翼更由1,460mm加闊至1,700mm，令下壓力大大增加，外形更為驃悍。動力方面跟RS相若，3.8LNA偈，馬力450匹，但由於拆除不必要豪華設備，令車身減磅170kg，0-100km/h突破4秒關口。咁高性能，就係準備取代舊款波子，迎戰明年嘅CarreraCup。雖然廠方開始受訂，但未計稅已達149,850歐元，到港後估計要300萬港元，相信舊有GT3玩家未必輕易換車囉。
記者：徐影龍