導演鄧特希噚日喺商台接受訪問，講番佢為亞視包拍嗰套劇集《法網群英》，有份演出嘅谷祖琳同林雪等演員齊齊話俾佢拖糧。鄧特希重申話今次完全係因為有人做咗失職行為，佢已經報咗警，所以唔方便講得太詳細，只可以話今次係一個教訓，鄧特希話：「我都希望同番啲演員解釋吓，但未係時候，總之我總會同佢哋交代一聲。」