求驗客手記:泰利揸「車」一世無憂 - 求驗客

求驗客手記:泰利揸「車」一世無憂 - 求驗客

泰利(圖)忠心有回報?28歲嘅車仔隊長泰利今夏俾曼城以天價周薪50萬鎊挖角,都冇令呢位中堅對藍戰士嘅效忠之情有任何動搖,泰利嘅忠心實在令我求大俠非常感動,而且仲打動埋車仔班主阿巴莫域治㖭!車路士為咗報答泰利咁愛球會,上周六就同佢以總值4,000萬鎊續約5年,周薪仲由13萬鎊加到16萬鎊(約205萬港元)!最勁嘅係阿巴仲話泰利喺呢紙新合約屆滿(33歲)時,就會扶持佢「升呢」為車仔嘅管理層,保佢一世無憂!