當用水撥時發現擋風玻璃撥極唔清、係咁跳，又或者有異響嘅話，師傅話：係時候更換喇！專業汽車維修技師明哥教路：「市面上水撥片大致可分為勾型同埋插入式軟骨（又稱「無骨」），其中以後者較新。日本車多數係細勾、歐洲車則用大勾，而無骨水撥片就大部份車都用得。
換完水撥不妨跟手檢查玻璃洗滌水足唔足夠，要補充都好簡單，開車冚搵水滌壺，加入專用玻璃清潔液。清潔液喺坊間一般汽車精品店都有售，當然入清水都可以。明哥就提醒大家，千祈咪用梘液又或者濃縮清潔劑，因為部車行緊時引擎溫度高，可能將壺內水份蒸發，剩下嘅清潔劑就會結成硬塊塞住水滌摩打又或者損壞水滌噴嘴。
記者：梁美甜
攝影：陳陶鈞
Model：Norain@PureModel
鳴謝：MotorMech（27682602）
跟住做：
1 輕力拉起水撥臂，就見到扣住撥片勾位下方有個倒扣。
2 按下倒扣再輕力將水撥片向下推出。
3 將新水撥片扣上聽到「Click」一聲即倒扣已扣緊水撥片，大功告成。