張家輝前日同小師妹詩雅（右）喺北京出席華表獎頒獎禮，雖然家輝只係做頒獎嘉賓，但佢一樣咁興奮，佢話今次個頒獎禮好似嘉年華咁，最開心可以再見喺電影《証人》演佢老婆嘅苗圃（中），家輝話：「佢真係一個好出色嘅演員，希望大家再有合作機會。」詩雅前一晚就有啲發燒，佢擔心上唔到機，好彩最後都退咗燒，可以出席頒獎禮。