【本報訊】今季回歸丙組的老牌球會東方昨在深水埗運動場開操，為下月中展開的丙組聯賽準備。而掛靴兩季，今季獲邀重返東方的歐偉倫坦言：「東方這樣的人腳班底，就算自己『冇氣』都要攞冠軍！」
丙組東方0:1負消防
雖然東方返回丙組角逐，但球會仍像甲組隊舉行開操拜神儀式，還順道為昨日72歲生日的會長林建名慶祝，之後與丙組消防「拍跳」，結果東方負0:1。
由於東方全職聘用李健和、羅繼華及鍾皓賢專責培訓陣中13及15歲以下青年軍，加上開出不俗的出場費及贏波獎金給其餘球員，令球隊班費預算超過200萬港元；惟總監梁守志透露，不會太着意升班，主要希望培訓球隊青年軍。
07年掛靴，之後專注酒吧生意的歐偉倫昨表示，再與多名前港隊隊友合作感覺像聚舊：「這樣班底，就算多幾個年輕球員，所有賽事都應該要贏到，輸咗好肉酸。」
通宵工作後比賽感吃力
縱使「阿倫」掛靴後每星期有抽空踢一至兩次「衞生波」，只是大多踢夜波。前晚通宵工作後稍作休息便到場的「阿倫」，對消防友賽時有心無力，行行企企20分鐘便退下火線，他賽後說：「起碼兩年未試過下午踢波，感覺辛苦好多，真係唔適應。」
