啱啱過咗29歲生日嘅謝霆鋒，噚日上晝喺內地返港，佢見到記者嗰陣都好親切咁打招呼，問佢老婆張栢芝係咪去咗加拿大待產，佢好詫異咁話：「吓？佢冇去加拿大，佢喺屋企。」霆鋒又否認栢芝有咗，問佢會唔會介紹生仔秘方畀劉德華？佢話：「冇乜，呢啲係天賜。」究竟霆鋒會唔會再追第二胎？佢話要等個天準備喎！