上禮拜五期指結算，港股繼續下跌，跌幅雖然唔算太大，但加深咗偏淡嘅氣氛。
大市窄幅橫行咗一段日子，越來越多分析員預期9月份會出現單邊市，暫時嚟睇向下居多，不過恒指下個支持位好接近，加上成交淡靜，借好消息挾番高個市其實唔係太難，高位企唔企得耐就係另一回事。
中行C輪17212：中國銀行（3988）上周五報收3.81元，早段炒過上3.88元，高位遇壓低收，不過中行業務前景睇好，基金買盤可能推高個價，上試4.10元，可以諗吓隻C輪17212。
隻輪現價35仙，2009年12月7日到期，行使價3.80元，溢價8.9%，引伸波幅42.9%，有效槓桿6倍，正股升上4.10元，17212睇52.8仙，正股跌穿3.68元，就沽咗隻輪止蝕。
俊樺