周國豐：我間中都有同千嬅sms，佢好口密冇提過。至於Leon，係咪好囉，Amusic咁多喜事。至於華仔我諗佢唔講係有自己原因，大家唔好去抨擊佢。我都覺得佢可以處理得再好啲，如果我係佢就會出嚟交代一次，等啲疑團唔好咁多，費事俾唔理解嘅人抨擊，總之我支持佢。
錢嘉樂：華仔入行20幾年，其間生活有99.9%畀咗大家，帶畀咁多人歡樂，自己留番0.1%私人空間，呢樣係完全理解得到。人工受孕？可唔可以直接受孕？我鍾意天然受孕。
張信哲：好祝福華仔，呢排咁多人結婚，其實家fans都唔mind啦，自己就唔會秘密結婚。不過我都會上網check，因為我好八卦o架。
張智霖：我同華仔未合作過，如果佢承認，當然恭喜佢，但只不過我哋係旁觀者，大家收口就係幫忙，而千嬅同黎明就唔係太熟。藝人有藝人嘅隱衷，係好正常。