瑞典品牌老大哥VOLVO近排密密有新車到港，好似2010年全新款式S802.5T豪華房車，保留上一代好使好用嘅BLIS駕駛視覺盲點資訊系統，令司機泊位、切線都更得心應手，再改良車身線條，變得更有動感，加埋以銀色電鍍邊點綴外殼及內櫳中控台，外形吸引度升級。馬力方面亦提升30匹，喺內外齊齊升呢嘅情形下，實屬係不錯嘅心水車款。最大誘惑係由今個星期起推出勁減2萬大優惠，以預售價$419,000發售。品牌割價益車主，實行密食當三番造勢，數量有限，大家切勿錯過到灣仔陳列室平入呢部豪版S80嘅良機。
記者：許維雅
查詢：29273388