各國石油富豪繼續覬覦英超，似我哋嘅大陸同胞對香港地產着迷一樣，係一種非常虛榮又以為可以生金蛋嘅投資，所謂老尖頂級毫宅，但周圍酒吧林立，龍蛇混雜嘅新盤賣到2萬蚊呎，仍不乏青睞；車路士前油王阿巴，進軍英超多年，仍未敢說邊個財政年度可以止蝕，但後來者仍然對英超眼光發亮，做人不需憎人富貴厭人貧，今天重心必捧英超新勢力──曼城。
咁啱今天「阿拉伯內訌」，曼城南下作客到樸茨茅夫，論開季進度，完全唔同班，曼城長贏未失一球，老樸聯賽未開齋，過去兩天仲不斷賣出買入班救兵。小弟性格唔會喜歡曼城呢類球隊，不過賭波想贏無感情可言，同一班大陸同胞嚟香港炒樓一樣，都係見個市旺，希望撈吓油水。
飛燕諾坐和望贏
事實上曼城班波越操越「弗」，有基雲打龍門穩陣好多，上仗俾水晶宮㩒住攻都可作客淨贏兩球；再添尼史葛可補高路托尼高空波不足，前線射手對住個神經刀嘅占士，贏面極高，博單W再補「客勝」。
另串荷甲今季奇兵飛燕諾，衰足3季，今季季初似樣咯，小弟又係只想搭轉順風車，迎實力較上季略減嘅川迪博個上盤，應該坐和望贏。
（下次見報日：周一）
文：Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期日20曼城勝（1.57）x
星期日21飛燕諾（上）（2.08）2x1
星期日20曼城勝3:1（13）、4:1（22）
簡評：賭波有必要跟紅頂白，有分頭嘅強隊更不應錯過。