好多人以為女仔無可能自己換胎。換胎真係需要唔少力氣，女仔難免輸蝕，不過萬一搵唔到幫手，其實都可以頂硬上。撒手鐧就係：跳！因為換胎最難倒女人嘅一環，就係鬆螺絲。借身體重量幫手，跳兩跳，問題就解決。就等專業汽車維修技師明哥（梁偉明）教路，仲親自示範埋成個換胎過程。各位學嘢喇！
記者：梁美甜
攝影：陳陶鈞
Model：Norain@PureModel
鳴謝：MotorMech（27682602）
跟住做：
1.選擇平路，熄匙拉Brake。取出原廠工具包、千斤頂（俗稱「唧」）及後備胎。
2.將千斤頂放喺唧車位（需更換輪胎一方嘅車底邊緣）下，將車唧高至漏氣輪胎回復正常高度。
3.取出煙斗形拆胎匙弄鬆轆螺絲，唔夠力嘅話可嘗試整個人踩上去跳幾下，借身體重量鬆開螺絲。
4.再將車唧高至漏氣輪胎離地3、4吋，此時可將所有螺絲拔出，並取下輪胎，換上後備胎。
5.用手將所有螺絲重新裝上，暫時固定輪胎，上螺絲時要以對角方式進行，令力度平均。
6.將車降回地面，再以煙斗匙用對角方式上緊所有螺絲。