東亞運動會年底在香港舉行，昨日是開幕倒數100日，譚詠麟（阿倫）、陳奕迅（Eason）、李克勤、任賢齊和容祖兒代表演藝界在港、九傳送聖火。近日被傳婚姻亮紅燈的Eason，去年傳奧運聖火時，老婆徐濠縈和囡囡康堤都有到場，但昨日未見她們蹤影，至於阿倫乖仔曉風則混在記者堆中為他打氣。
年尾在香港舉行的2009東亞運動會，昨日是開幕的倒數100日，大會安排在尖沙嘴和灣仔一帶傳聖火，其中譚詠麟、陳奕迅、李克勤、任賢齊和容祖兒代表演藝界參與傳聖火。Eason、小齊和祖兒出戰尖沙嘴一帶，克勤則負責文化中心附近一棒，阿倫就負責港灣道一帶。
阿倫子混記者堆
當Eason準備時表現興奮，現場不少fans和自由行旅客大叫他的名字，又讚他靚仔。近日Eason和老婆徐濠縈被傳因謝安琪介入，令婚姻亮紅燈，記得去年Eason傳奧運聖火時，阿徐和囡囡康堤均有現身，但昨日卻未見兩人出現。
阿倫晚上到將軍澳電視廣播城出席晚會時說：「我個仔有嚟，佢企喺記者堆度，但佢自己唔知前面係記者，我同個仔揮手，但記者又以為我同佢哋打招呼，個仔真係送羊入虎口，我返屋企會同佢傾偈。」
李克勤嚴選內褲
至於小齊傳聖火時也很開心，更大跳moonwalk。克勤傳聖火前，先以大使身份到奧海城出席愛護動物協會活動，他透露連助手也未能陪伴到場傳聖火，他說：「大會有人幫我手，但我唔知銀包同手提電話點算，唔通袋住嚟跑咩，我唔敢畀其他人，因為入面有好多我個仔嘅裸照。」
克勤又謂大會提供一條白色運動褲，故他要小心挑選內褲，並笑說：「大會派嗰條白褲冇內膽嘅，所以我要嚴選白色內褲，着小熊BB會俾人睇到，但蜘蛛俠又好得人驚。」問他事前有否練跑姿？他說：「你哋擔心阿倫好過，我會保持一個靚嘅姿勢。」
祖兒則直言大會安排她上堂學姿勢，用右手拿火炬，又以右手傳遞，不過原來祖兒膝頭隱隱作痛，她謂沒有大影響，更笑言會慢行享受傳聖火過程，祖兒又謂會分半間房將火炬放在房間中。此外，19歲o靚模蔡穎恩（Evelyn）也是其中一位火炬手，其提名人是Cannon相機，她表示不介意被人稱為o靚模。
採訪：魯萍、張俊銘
攝影：仇志德
