128位仲讀緊大學嘅年輕男女大學生，今日將會穿上配有A（AuxiliaryPoliceForce）字頭嘅警察制服同佩槍，喺全港19個警區環頭同邊境區，展開佢哋首日執勤嘅巡邏使命，原來呢班學員剛剛喺噚日PassingOut結業，之前已完成一個為期12周、共340小時嘅大學生輔警特別基本訓練課程。
據八方所知，呢班新紮輔警精英陰盛陽衰，66位係陀槍師姐，男性佔62人，係咪家風水輪流轉，男人唔多鍾意當差呢？輔警高級警司楊祖賜話未睇見呢個趨勢，目前輔警編制逾4,000人，男性佔逾八成，今期畢業輔警女多男少係例外。
呢班男、女學生由10間大專院校1,000多人挑選出嚟，平均年齡未到21歲，楊sir話警隊高層欣賞佢哋投入輔警工作，會考慮安排佢哋跟巡邏車，又特別加入緝毒訓練，等佢哋見識多啲。