英超Big4運氣實力一直兼備，根基甚穩，連今屆歐聯抽籤都避開晒歐洲強敵，你睇吓阿仙奴嗰組啲對手，搭船當遊埠去比利時荷蘭，再返倫敦踢英超都唔會好趕。有人話曼城今屆似樣，最恐怖係唔識失球，我點名而順利在季初彈出嘅熱刺，今日對伯明翰應該十拿九穩，不過冇乜肉食；串多場向大家推介日乙，捧大魚腩櫪木SC迎鳥棲砂岩開「大」，求贏唔會介意俾人話騎呢。
今晚贏埋，熱刺就可以成個月壓住Big4做榜首，擁躉應該很高興，呢個果係上屆季初「領嘢」被炒嘅拉莫斯所種嘅因，哈帥花咗大半季將陣容去蕪存菁，形成今屆唔使點買人都有強大兵力彈出；基礎打得好，能走幾遠便多遠，人活在當下，有時冇得諗太遠太多，享受呢一刻勝利嘅感覺便是。睇吓對手伯明翰，人腳一般，入球能力弱，真係即刻有多500萬鎊擴軍又如何，當自己係當年油王阿巴莫域治咩？
鳥棲砂岩食大魚腩
熱刺穩勝但冇乜分頭，串多場，介紹波友捧日乙爭升班、擁超班射手夏雲拿嘅鳥棲砂岩大炒16場不勝嘅大魚腩櫪木；兩隊近期都周圍借兵求出路，入球「大」比客W更好分，波友可自己推敲。中到呢條2串1，收工趕睇英超頂級大戰咯！
（下次見報日：周日）
Leung
簡介：不理盤路，不信陰謀論，最重勤力睇波，跟足軍情，吼準一擊。
今日精選
星期六10櫪木SC大（1.9）x星期六27熱刺勝（1.35）2x1
星期六10鳥棲砂岩勝3:1（14）、勝客其他（40）x
星期六27熱刺勝3:0（8.5）、3:1（10）2x3
簡評：日乙最弱串英超「1哥」，咪怕騎呢。