【上屆燈神】
沒有C朗嘅日子，英超今季開「咧」仍然精采。曼聯一向唔係我杯茶，開季3戰得6分，表現只屬中規中矩；愛隊阿仙奴連同盃賽4連勝，大有遇神殺神之勇。不過，捧咗兵工廠咁多年，點會唔知呢班波特性；成日都季初領放，但11月打後就忽然傷兵、衰嘢一齊嚟，阿仙奴可唔可以笑到最後，過埋年先講。
現在台播英超絕對值得一讚，周中冇比賽，一系列分析節目同樣精采，最好就係請來何輝主持；輝哥係小弟近年最欣賞嘅評述員，紅褲子出身，極懂投入球員第一身，更將世界時事、經濟融入足球比賽中，o靚模效應就係近期令人會心微笑作品。不過身為觀眾，也向現在台提出小小要求，希望「依雯站起來」，相信亦係不少男球迷嘅主觀意願吧！
講番周六英超，「黑貓」新特蘭今季由布魯士領軍，果然可以站起來，3戰取得6分，輸畀車仔冇話可說；史篤城單調高Q大棍打法已被對手睇穿，讓唔起新特蘭平/半。
牽牛
近5場往績：LLW//
讓球：新特蘭（下）
心得：史篤城技窮