利物浦今季開「咧」雖然表現麻麻，但在周六作客實力較次而近況亦糟的保頓，相信紅軍可以順利勝出一仗，紅軍單W有1.5倍，可取。（球賽編號：星期六25；now632台今日10:00pm直播）
吾中
今屆英超只踢了3輪，由於利物浦已輸了兩場，而且輸得「肉酸」，因此，幾乎已被睇死與聯賽錦標絕緣。雖然，紅軍在沙比阿朗素離隊後，由於代替他的阿古蘭尼仍要養傷，故中場的攻守能力明顯削弱，其中盧卡斯於上仗不敵阿士東維拉所見，更似乎不夠班。因此，不排除領隊賓尼迪斯變陣，由4-5-1陣式改為4-4-2，左翼尼亞拿復任正選，相信攻守可望變得流暢。
近6次對賽保頓全敗
再者，利物浦主力如謝拉特、費蘭度托利斯及古積特等，有的是質素，在球隊危難之際，正是他們發揮小宇宙之時。
保頓剛於英聯盃晉級，不過今屆表現並不好，亦無復過去專向強隊搶分但對弱旅失分那「劫富濟貧」本色，至今兩場聯賽全敗兼零入球，其中前鋒艾文達更形同虛設，加上一對中場加拿及祖爾奧拜恩續因傷缺陣，就算有主場之利，亦難高估。
利物浦「讓球主客和」的「客勝」可兼顧，因紅軍近6次與保頓交手，全勝之餘更全部淨勝超過1球。
星期六25
保頓vs利物浦
半全場：和/客
盤口：保頓[+1]
讓球主客和：A客勝
1:3
保頓失球有條癮
簡評：縱觀兩軍近兩季對碰，利物浦4戰全勝，場場至少淨贏兩球或以上兼只失一球；再看保頓今季及上季其13次先失球，當中只有3次可追成1:1平手，但有9次會被對手再下一城拋開比數至2:0。
文：力奇
